Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për David Prendi, i arrestuar pak ditë më parë si person i shpallur në kërkim nga SPAK.

Sipas Prokurorisë së Posaçme, Prendi dyshohet për përfshirje në skema mashtrimi përmes bursave online, të realizuara nëpërmjet strukturave të ashtuquajtura “call center”.

Ai u vu në pranga pas një operacioni të SPAK, gjatë të cilit u goditën dy ambiente të dyshuara si baza të aktivitetit, njëra pranë Gjykata e Lartë në kullën “Atti Tower”, dhe tjetra në kullën “Downtown” në Tiranë.

Hetimet vijojnë për të zbardhur plotësisht skemën dhe për të identifikuar persona të tjerë të përfshirë në këtë aktivitet të paligjshëm.