Kryeministri Edi Rama ka reaguar në platformën X pas sulmit me armë të ndodhur në Washington, D.C., gjatë një aktiviteti presidencial me gazetarë.

Në mesazhin e tij, Rama e cilësoi ngjarjen si tronditëse dhe shprehu shqetësim për një akt të tillë dhune në një aktivitet publik, duke theksuar se sulme të tilla godasin drejtpërdrejt lirinë dhe mënyrën demokratike të jetesës.

Ai dënoi me forcë incidentin, ndërsa shtoi se është lehtësuar nga fakti që presidenti amerikan dhe të gjithë të pranishmit ndodhen në gjendje të mirë dhe të sigurt.

Ngjarja ka shkaktuar reagime të shumta ndërkombëtare, ndërsa autoritetet në Shtetet e Bashkuara vijojnë hetimet për zbardhjen e plotë të rrethanave.