Zhvillime të reja kanë dalë nga incidenti me armë zjarri në Washington, D.C., ku i dyshuari Cole Thomas Allen ka dhënë dëshmi para autoriteteve pas arrestimit.

Sipas raportimeve të CBS News, duke cituar burime pranë hetimit, ai ka pranuar se synimi i tij ishin zyrtarë të administratës së Donald Trump.

Gjatë incidentit, burimet bëjnë me dije se janë dëgjuar nga pesë deri në tetë të shtëna me armë zjarri, çka ka shkaktuar panik mes të pranishmëve në aktivitetin ku ndodhej edhe presidenti amerikan.

Autoritetet në Shtetet e Bashkuara po vijojnë hetimet për të zbardhur plotësisht rrethanat dhe motivet e sulmit, ndërsa ngjarja ka ngritur shqetësime të forta për sigurinë në eventet publike të nivelit të lartë.