Kerry Kennedy, avokate dhe vajza e Robert F. Kennedy, ka zbuluar detaje nga momentet dramatike brenda sallës së vallëzimit në hotelin Washington Hilton, gjatë incidentit me armë që tronditi elitën politike dhe mediatike amerikane.

Ajo tregoi se gjithçka nisi me të shtëna armësh, duke detyruar të pranishmit të uleshin menjëherë në tokë për siguri. “U ulëm në tokë dhe situata u kthye në kaos”, ka rrëfyer Kennedy, duke përshkruar panikun që përfshiu sallën.

Sipas saj, kongresmeni Jamie Raskin i qëndroi pranë dhe e ndihmoi gjatë momenteve të tensionit, ndërsa gazetarë dhe punonjës të medias kërkonin strehim brenda ambienteve.

Kennedy shtoi se agjentët e Shërbimit Sekret hynë me shpejtësi në sallë, disa prej tyre të armatosur, dhe nisën evakuimin e personave drejt zonave të sigurta.

Ngjarja ka shkaktuar alarm të madh në Shtetet e Bashkuara, ndërsa hetimet për zbardhjen e plotë të incidentit vijojnë.