Parkimi i pakontrolluar i automjeteve pranë Gjykatës vijon të mbetet një problem i përsëritur për drejtuesit e mjeteve dhe qytetarët.

Mjetet e vendosura në mënyrë të çrregullt kanë sjellë shpesh bllokim të segmentit rrugor, duke penguar qarkullimin normal dhe duke krijuar radhë të gjata trafiku.

Situata bëhet edhe më problematike për shkak të fluksit të lartë të qytetarëve në këtë zonë, e cila konsiderohet ndër më të frekuentuarat në qytet.

Qytetarët kërkojnë masa konkrete për disiplinimin e parkimeve, në mënyrë që të shmangen vonesat dhe kaosi në qarkullim.