Një histori e veçantë vjen nga Castagnole Monferrato, ku një pensionist ka vendosur të dhurojë fitimet e tij për një kauzë humane.

Bëhet fjalë për Luciano Quaglia, me origjinë nga Genova, i cili ka fituar mbi 92 mijë euro pasi realizoi një “5” në shortin e 17 marsit 2026. Por ndryshe nga shumë fitues të tjerë, ai ka zgjedhur të mos i përdorë paratë për vete.

Sipas mediave italiane, Quaglia ka vendosur t’i dhurojë fitimet për të ndihmuar qentë endacakë, duke mbështetur strehën e kafshëve në qytetin e tij dhe duke synuar në të ardhmen ndërtimin e një hapësire më të madhe dhe më mikpritëse për ta.

I moshuari kalon ditët mes kopshtit dhe kujdesit për kafshët e tij, ndërsa ëndrra e tij mbetet krijimi i një strehëze të vogël për qentë e braktisur.