Të paktën 12 persona, përfshirë edhe fëmijë, kanë humbur jetën si pasojë e sulmeve ajrore izraelite në jug të Libani, sipas Ministrisë së Shëndetësisë së vendit.
Autoritetet bëjnë me dije se tetë viktima – mes tyre një fëmijë dhe dy gra – u regjistruan në fshatin Hamboush, ku gjithashtu mbetën të plagosur 21 persona. Sulmet ndodhën pavarësisht se ushtria izraelite kishte paralajmëruar banorët të evakuoheshin, ndërsa një armëpushim ishte ende në fuqi.
Agjencia Kombëtare e Lajmeve e Libanit raportoi për një “breshëri sulmesh” që ndodhën më pak se një orë pas paralajmërimit për goditje të afërta. Dëshmitarët në terren përshkruan kolona të mëdha tymi që ngriheshin mbi zonat e goditura.
Në një tjetër sulm në Zrariyah, pranë qytetit Sidon, u vranë katër persona, përfshirë dy gra, ndërsa katër të tjerë mbetën të plagosur.
Sulme ajrore dhe zjarr artilerie u raportuan edhe në zona të tjera të jugut, përfshirë Tiri, duke ngritur pikëpyetje serioze mbi respektimin e armëpushimit që ka qenë në fuqi që nga 17 prilli.
Sipas Ministrisë së Shëndetësisë libaneze, më shumë se 2,600 persona janë vrarë që nga rifillimi i përplasjeve më 2 mars mes Izraelit dhe Hezbollah. Mes viktimave janë edhe 103 punonjës të ekipeve të shpëtimit.
