Selia blu e Partia Demokratike e Shqipërisë është përfshirë sërish në përplasje të forta publike, pas vendimit për përjashtimin e Ervin Salianjit dhe Alesia Balliut nga gara për kryetar në zgjedhjet e 23 majit, si dhe akuzave të ndërsjella me sekretarin e përgjithshëm Flamur Noka.

Salianji sulmon Nokën me akuza të rënda

Ish-deputeti Ervin Salianji ka reaguar ashpër ndaj Flamur Nokës, duke përdorur gjuhë të fortë dhe akuza personale. Në një postim të tij ai shkruan:

“Flamur Çupëlina, kjo kone që mendon se është bulldog i Sali kolltukut…
…u bëre spiun i serbëve sepse nuk e mbaje dot burgun…”

Salianji vijon më tej:

“Të kujtohet kur erdhe në burgun e Fierit i trembur dhe kërkoje shoqërues? Të veshëm me fustan dhe të dhamë shoqërues!”

Ai e akuzon Nokën për servilizëm dhe për atë që e quan “fabrikë të groteskut” brenda partisë.

Balliu kundër Nokës: “Do të të zhburrëroj në mes të Tiranës”

Edhe Alesia Balliu ka reaguar ashpër ndaj Flamur Nokës, pas deklaratave të këtij të fundit se ajo nuk ka kontribuar në PD.

Balliu deklaron:

“Më trego një fletë ku unë kam firmosur për ‘Shqipëria Bëhet’…”

Duke vijuar me tone të ashpra, ajo shton:

“Ti je llumi i asaj partie… Flamur, ashtu siç të zhburrëruan në Vorë, unë do të të zhburrëroj në mes të Tiranës.”

Noka kundër Salianjit dhe Balliut

Nga ana e tij, Flamur Noka ka akuzuar Salianjin se ka sulmuar vazhdimisht drejtimin e partisë, duke deklaruar:

“Ka 5 muaj që nga mëngjesi në darkë vetëm sulmon Berishën dhe PD-në…”

Dhe më tej:

“E tronditi sistemin duke i shërbyer. Nuk e mbajnë dot burgun burrat me botoks e fillera.”

Për Balliun, Noka ka ngritur dyshime për lidhje politike jashtë strukturave të PD.

Tension i lartë brenda PD

Përplasjet e fundit tregojnë një klimë të rënduar brenda selisë blu, ku akuzat personale mes figurave kryesore të opozitës kanë kaluar në një nivel të hapur publik, duke thelluar ndarjet në parti në prag të procesit zgjedhor.