Presidenti i Shtetet e Bashkuara të Amerikës, Donald Trump, ka bërë deklarata të forta ndaj kryeministrit britanik Keir Starmer, duke komentuar edhe të ardhmen e tij politike në krye të qeverisë britanike.

I pyetur nga Sky News nëse Starmer duhet të vazhdojë të qëndrojë në Downing Street, Trump u përgjigj shkurt:

“Kjo varet nga ai.”

Më pas, presidenti amerikan shtoi se që prej ditës së parë i kishte dhënë këshilla Starmerit për politikat energjetike dhe emigracionin.

“Por unë i kam thënë që nga dita e parë se do të vritesh, do të vritesh duke e shtyrë vendin tënd drejt vdekjes. Hapni Detin e Veriut – keni një nga burimet më të mëdha të energjisë në botë, hapni Detin e Veriut”, deklaroi Trump.

Referencat e presidentit amerikan lidhen me kërkesat e tij të vazhdueshme që Mbretëria e Bashkuar të zgjerojë shpimet për naftë dhe gaz në Detin e Veriut, ndërsa ai ka kritikuar më herët edhe përdorimin e turbinave me erë në det të hapur.

“Këshilla ime ka qenë gjithmonë e hapur. Hapni naftën tuaj në Detin e Veriut. Keni një nga zbulimet më të mëdha të naftës kudo në botë dhe nuk po e përdorni, dhe nuk ju lejohet ta përdorni, dhe është një nga më të mirat në botë”, tha Trump.

Presidenti amerikan foli edhe për emigracionin, duke kërkuar politika më të ashpra në Evropë.

“Hapni naftën tuaj në Detin e Veriut dhe bëhuni më të ashpër me emigracionin. Evropa po dëmtohet shumë nga emigracioni”, u shpreh Donald Trump.