Një e moshuar është gjetur e pajetë në banesën e saj në lagjen 4 të Korçë.

Sipas informacioneve paraprake, dyshohet se ajo kishte rreth tre ditë pa kontaktuar me familjarët, ndërsa fqinjët kanë njoftuar policinë pasi nuk e kishin parë prej ditësh.

Siç raportohet, kanë qenë forcat zjarrfikëse që kanë hapur derën e banesës, ku më pas është konstatuar trupi i pajetë i të moshuarës.

Nga këqyrja paraprake, viktima kishte një hematomë në kokë, ndërsa dyshohet se mund të jetë rrëzuar dhe si pasojë të ketë humbur jetën.

Mësohet se e moshuara jetonte e vetme në banesë. Policia ndodhet në vendngjarje dhe po kryen veprimet hetimore, ndërsa trupi është dërguar në morg për ekspertizën mjeko-ligjore, e cila pritet të përcaktojë shkakun e saktë të vdekjes.