Kryeministri në detyrë i Kosova, Albin Kurti, pas takimit me komisioneren evropiane për Zgjerim, Marta Kos, ka kërkuar avancimin e Kosovës në procesin integrues drejt Bashkimi Evropian dhe marrjen e statusit të vendit kandidat.

Në konferencën e përbashkët për media, Kurti deklaroi se Kosova nuk po kërkon “as rrugë të shkurta e as derë të pasme”, por vetëm një proces të bazuar në meritë.

“Janë bërë mbi 40 muaj që kur kemi aplikuar dhe momenti i ripërtërirë i zgjerimit nga ana e BE-së duhet të rezultojë me avancimin e merituar të Kosovës”, u shpreh Kurti.

Ai theksoi se mbështetja për anëtarësimin në BE në Kosovë mbetet rreth 90%, ndër më të lartat në rajon, ndërsa kërkoi më shumë unitet brenda BE-së për vendimmarrje ndaj Kosovës.

Kurti ngriti sërish çështjen e sulmit terrorist në Banjskë, duke kërkuar që përgjegjësit të dalin para drejtësisë.

“Llogaridhënia për këto sulme është thelbësore, pasi pa llogaridhënie rreziku ndaj sigurisë sonë mbetet i lartë. Kemi një fqinj agresor që të sulmon në vend që të bashkëpunojë”, deklaroi ai, duke iu referuar Serbia.

Sipas Kurtit, zgjerimi i BE-së është instrumenti më i suksesshëm i politikës së jashtme europiane dhe çdo vakum i lënë nga BE-ja mund të shfrytëzohet nga aktorë që cenojnë sigurinë dhe vlerat europiane.

Komisionerja Marta Kos zhvilloi takime edhe me përfaqësues të tjerë institucionalë në Prishtinë. Kjo është vizita e saj e parë në Kosovë që prej marrjes së detyrës në vitin 2024.

Sipas raportimeve në media, kreu i AKU-së është thirrur të martën në orën 09:00, në prokurori për t’u pyetur se çfarë veprimesh kanë kryer.