Drejtori i Autoriteti Kombëtar i Ushqimit për Tiranë, Ersid Hasanllari, është thirrur në Prokurorinë e Tiranës në kuadër të hetimeve për helmimin e 52 studentëve të Akademia e Sigurisë.

Prokurori i çështjes, Bledar Valikaj, pritet të kërkojë sqarime lidhur me procedurat e ndjekura nga AKU dhe vonesën në dorëzimin e rezultateve të analizave pranë organit të akuzës.

Sipas rezultateve të publikuara nga AKU, nga nëntë mostrat e marra në kompaninë e kateringut SORI-AL, tetë kanë rezultuar brenda standardeve, ndërsa një kampion me makarona të gatshme, i marrë në kuzhinën e Akademisë së Sigurisë në Sauk, ka rezultuar i kontaminuar me bakteret Escherichia coli dhe stafilokok.

Sipas raportimeve mediatike, Hasanllari është thirrur në prokurori për t’u pyetur lidhur me veprimet e kryera nga institucioni pas ngjarjes.