Në rrjetet sociale po qarkullojnë spekulime për një krisje të mundshme në marrëdhënien mes Sara Hoxhës dhe Erik Fullanit, dy figura të njohura të showbiz-it dhe jetës publike në vend.

Dyshimet janë shtuar pasi është vënë re se dyshja nuk ndjek më njëri-tjetrin në “Instagram”, një detaj që shpesh në botën e mediave rozë është interpretuar si sinjal i ndryshimeve në raportet personale. Ky veprim ka mjaftuar që të ndezë diskutime dhe aludime të shumta në rrjet.

Megjithatë, deri më tani nuk ka asnjë reagim apo konfirmim zyrtar nga asnjëra palë lidhur me këto zëra, ndërsa gjithçka mbetet në kuadër të spekulimeve të publikut dhe mediave online.

Çifti është komentuar herë pas here në media, por ka zgjedhur të ruajë diskrecionin sa i përket jetës private, duke mos e bërë atë pjesë të deklarimeve publike.