Një organizatë e madhe kriminale e trafikut të heroinës dhe metadonit është shkatërruar në zonën e Atikës, në Greqi.

Oganizata ishte e përbërë nga 48 persona, nga të cilët 6 u vunë në pranga, ndërsa u sekuestruan 16 kg metadon të lëngshëm dhe heroinë.

Tre prej gjashtë drejtuesve të bandës ishin shqiptarë, përkatësisht dy burra dhe një grua, të moshës 38, 69 dhe 23 vjeç, si dhe tre grekë, dy burra dhe një grua, të moshës 47, 51 dhe 33 vjeç.

Sipas prokurorisë, drejtuesi i kësaj bande është 38-vjeçari shqiptar, i cili furnizonte grupin me metadon dhe heroinë, dhe që më pas e shpërndanin dhe trafikonin në Atikë dhe Chania.

Me 38-vjeçarin shqiptar bashkëpunonte edhe një greke, e cila kishte rolin e “arkëtares”. Ajo merrte parate e fituara nga trafiku i droges dhe i depozitonte ne nje llogari bankare ne emer te saj.

Shqiptari 69-vjeçar ishte përgjegjës për ruajtjen e drogës, ndërkohë që 23-vjeçari shqiptar ishte përgjegjës për transportin e drogës nga Athina në Kretë, ndërsa dy grekët e arrestuar, 47 dhe 51 vjeç, ishin përgjegjës për magazinimin dhe trafikimin e drogës në Chania.

Deri më tani, janë identifikuar më shumë se 250 raste të trafikut të drogës, ndërsa vlerësohet se të ardhurat nga kjo veprimtari kriminale janë të konsiderueshme.