Dogana e Durrësit dhe policia kufitare kanë sekuestruar një sasi ilaçesh kontrabandë.

Gjatë kontrollit të një kamioni rezultoi se krahas mallrave të deklaruar, ishte dhe sasia e medikamenteve mjekësore e pa deklaruar, të cilat u sekuestruan.

Kamioni ku u gjetën medikamentet eshte me targa TR1524S dhe drejtohej nga shtetasi me inicialet K.R.

Njoftimi i Policisë

“Strukturat Doganore në bashkëpunim me Policia Kufitare, strukturat hetimore të Drejtorisë Vendore të Policisë Durrës, gjatë një kontrolli të përbashkët sekuestruan  një sasi të konsiderueshme ilaçesh kontrabandë.

Gjatë kontrollit të kamionit me targa TR1524S dhe ACR919, me drejtues shtetasin me inicialet K.R. rezultoi se krahas mallrave të deklaruar, ishte dhe sasia e medikamenteve mjekësore e pa deklaruar, të cilat u sekuestruan”, thuhet në njoftim.

Ndërkohë materialet iu kaluan për hetime të mëtejshme Prokurorisë së Rrethit Durrës.