Një aksident i rëndë industrial në qytetin Longview, në shtetin e Uashingtonit, ka përfunduar me bilancin tragjik të 11 viktimave, pasi ekipet e shpëtimit nxorën trupat e punëtorëve të mbetur të zhdukur dhe mbyllën operacionet e kërkimit.

Ngjarja ndodhi në fabrikën e përpunimit të kompanisë Nippon Dynawave Packaging, gjatë ndërrimit të turnit, kur një rezervuar i madh që përmbante një kimikat industrial shpërtheu, duke shkaktuar dëme të konsiderueshme brenda objektit.

Fillimisht autoritetet raportuan disa viktima dhe persona të zhdukur, por numri i të vdekurve u rrit teksa vijuan operacionet intensive të kërkimit në zonën e prekur.

Autoritetet amerikane kanë nisur një hetim të plotë për të zbardhur shkaqet e shpërthimit dhe për të verifikuar nëse në fabrikë janë respektuar standardet e sigurisë në punë.

Ngjarja ka tronditur komunitetin lokal, ndërsa familjet e viktimave presin përgjigje mbi rrethanat që çuan në një nga aksidentet industriale më të rënda të viteve të fundit në zonë.