Mjaftesa Sulaj është emëruar drejtoreshë e re e Spitalit Rajonal të Vlorës, duke zëvendësuar në këtë detyrë Lorena Arapajn.

Emërimi i saj është bërë ditën e sotme, ndërsa prezantimi zyrtar para stafit dhe institucioneve shëndetësore pritet të zhvillohet në ditët në vijim.

Sulaj vjen në krye të një prej institucioneve më të rëndësishme shëndetësore në jug të vendit, ndërsa më herët ka qenë e angazhuar në politikë, duke kandiduar për deputete nën siglën e Partisë Socialiste.

Ndryshimi në drejtimin e Spitalit Rajonal të Vlorës vjen në një periudhë kur sistemi shëndetësor po kalon procese riorganizimi dhe reformimi në nivel drejtues.