Policia është në kërkim të një apo disa personave që dyshohet se kanë qëlluar me armë zjarri në ajër pas mesnatës së djeshme, në autostradën Durrës-Tiranë.
Të shtëna me armë janë regjistruar gjatë natës në autostradën Tiranë-Durrës. Ngjarja ndodhi në orën 01:45.
Një person ende i paidentifikuar, i cili qarkullonte me automjet dyshohet se ka qëlluar në ajër me armë zjarri. Policia ka nisur hetimet për të sqaruar rrethanat e ngjarjes.
Informacion paraprak
Durrës/ Më datë 10.08.2021, në orën 01:45, në autostradën Durrës-Tiranë, një person ende i paidentifikuar i cili qarkullonte me automjet dyshohet se ka qëlluar në ajër me armë zjarri. Grupi hetimor po punon për identifikimin dhe kapjen e autorëve.
