Milani duket se është larg arritjes së një marrëveshjeje për Francisco Trincaon, pasi Sportingu i Lisbonës është pranë shitjes së kartonit të tij te Al Ahli për rreth 50 milionë euro.

Shifra e kërkuar nga klubi portugez konsiderohet e papërballueshme për kuqezinjtë, të cilët nuk mund të konkurrojnë ofertën e klubit saudit.

Mesfushori ofensiv 26-vjeçar ishte një nga emrat e pëlqyer nga trajneri Rúben Amorim, i cili vlerëson profilin e bashkëkombësit të tij. Megjithatë, gjithçka tregon se e ardhmja e Trincaos do të jetë larg Serie A.

Aktualisht, futbollisti ndodhet i grumbulluar me kombëtaren e Portugalisë në Botëror, ndërsa transferimi në Arabinë Saudite do të ishte eksperienca e tij e parë në këtë kampionat.

Trincao u transferua te Barcelona nga Braga, ndërsa më pas u huazua përpara se të shitej përfundimisht te Sportingu i Lisbonës.