DJ dhe muzikanti i njohur francez i elektropopit, Kavinsky, emri i vërtetë i të cilit është Vincent Belorge, është gjetur i vdekur në Paris.

Rrethanat e vdekjes së artistit nuk janë bërë ende të ditura, ndërsa autoritetet franceze kanë nisur hetimet për zbardhjen e plotë të ngjarjes.

Kavinsky u bë i njohur në mbarë botën me hitin e vitit 2010 “Nightcall”, këngë e cila u përfshi në kolonën zanore të filmit “Drive” dhe i dha artistit famë ndërkombëtare.

Muzikanti francez interpretoi gjithashtu këtë hit në ceremoninë e mbylljes së Lojërave Olimpike të Parisit 2024, duke rikthyer në skenë një nga krijimet më të njohura të karrierës së tij.

Kavinsky konsiderohej një prej figurave më të rëndësishme të skenës elektronike franceze, me një ndikim të madh në zhvillimin e elektropopit dhe muzikës elektronike në arenën ndërkombëtare.

Hetimet për përcaktimin e shkakut të vdekjes së artistit vijojnë.