Një aksident rrugor është regjistruar në aksin Gjirokastër–Tepelenë, në kthesën e fshatit Hormovë.

Sipas informacioneve paraprake, një automjet tip “Mercedes-Benz”, i drejtuar nga Sejfulla Myftari, i njohur për publikun si “Cekja”, është përplasur me një automjet tip “Ford”, që drejtohej nga Baba Sheh Hormova, klerik bektashian.

Burimet bëjnë me dije se përplasja nuk ka qenë frontale, çka ka shmangur pasoja më të rënda. Si aktori i humorit, ashtu edhe drejtuesi tjetër i mjetit kanë shpëtuar pa lëndime, ndërsa aksidenti ka shkaktuar vetëm dëme materiale.

Në vendngjarje kanë mbërritur shërbimet e Policisë Rrugore të Gjirokastrës, të cilat po kryejnë veprimet hetimore për të sqaruar rrethanat dhe shkaqet e aksidentit.