Një aksident rrugor është regjistruar në aksin Fier-Patos, në vendin e quajtur “Çesma e Mbyetit”, ku si pasojë e përplasjes mes dy automjeteve ka mbetur i dëmtuar një person.

Sipas informacioneve paraprake, automjeti tip “Audi”, me drejtues shtetasin U.Xh., është përplasur me një automjet tip “Volkswagen”, që drejtohej nga shtetasi N.D.

Për shkak të përplasjes së fortë, drejtuesi i automjetit “Audi” ka pësuar dëmtime dhe është transportuar me urgjencë drejt Spitalit Rajonal Fier, ku ndodhet nën kujdesin e mjekëve.

Në vendngjarje kanë mbërritur shërbimet e Policisë, të cilat kanë nisur hetimet për zbardhjen e plotë të shkaqeve dhe dinamikës së aksidentit, si dhe po punojnë për menaxhimin e qarkullimit në këtë aks rrugor.