Një 47-vjeçar është gjetur pa shenja jete mëngjesin e sotëm në sheshpushimin e katit të tetë të një pallati në lagjen “Syrja Dylgjeri” në Elbasan.

Sipas informacionit paraprak të Policisë, ngjarja është raportuar rreth orës 08:00. Menjëherë pas njoftimit, në vendngjarje kanë mbërritur shërbimet e Policisë dhe grupi hetimor.

Nga këqyrja paraprake e trupit të shtetasit me iniciale K. D. nuk janë konstatuar shenja dhune apo dëmtime të shkaktuara nga mjete ose sende të tjera.

Nën drejtimin e Prokurorisë, grupi hetimor vijon veprimet për zbardhjen e plotë të rrethanave të ngjarjes dhe përcaktimin e shkakut të humbjes së jetës.