Shkodër – Një ngjarje e rëndë është regjistruar mbrëmjen e djeshme në lagjen “Xhabije” në Shkodër, ku dy persona të paidentifikuar dyshohet se kanë hyrë në banesën e një 23-vjeçareje dhe e kanë dhunuar fizikisht.

Sipas informacionit paraprak të Policisë, ngjarja ka ndodhur rreth orës 22:20.

Shtetasja me inicialet O. N., 23 vjeçe, pas dhunimit është dërguar në Spitalin Rajonal të Shkodrës, ku ndodhet nën kujdesin e mjekëve.

Ndërkohë, shërbimet e Policisë kanë nisur punën për identifikimin dhe kapjen e dy autorëve të dyshuar.

Grupi hetimor po kryen veprimet e nevojshme për dokumentimin dhe sqarimin e plotë të rrethanave të ngjarjes, ndërsa vijojnë hetimet për zbardhjen e motivit të dhunimit.