Një 48-vjeçar shqiptar është arrestuar në Athinë, pasi rezultonte i shpallur në kërkim prej më shumë se 20 vitesh për një vrasje të kryer në Tiranë.

Sipas mediave greke, arrestimi u krye ditën e djeshme në zonën e Filotheit, në Athinë. 48-vjeçari ishte në kërkim për një ngjarje të ndodhur në vitin 2006 në kryeqytetin shqiptar.

Bëhet fjalë për vrasjen e një bashkëkombësi të tij, të cilin 48-vjeçari dyshohet se e ka qëlluar me armë zjarri.

Pas arrestimit, shqiptari është dërguar në Prokurorinë Publike kompetente në Greqi, ku pritet të ndiqen procedurat e mëtejshme ligjore lidhur me ekstradimin dhe përballjen me drejtësinë shqiptare.

Ngjarja për të cilën ai kërkohej kishte ndodhur rreth dy dekada më parë në Tiranë, ndërsa pas një periudhe të gjatë në kërkim, 48-vjeçari u lokalizua dhe u arrestua në Athinë.