Të paktën 12 persona kanë humbur jetën në një aksident të rëndë rrugor në Hungarinë lindore, ku është përfshirë një autobus me targa polake.

Sipas policisë hungareze, autobusi ka dalë nga autostrada M3, pranë Mezokeresztes, rreth 140 kilometra në lindje të Budapestit, dhe ka përfunduar në një kanal.

Si pasojë e aksidentit, të paktën 12 persona kanë vdekur, ndërsa disa pasagjerë të tjerë kanë mbetur të plagosur dhe janë marrë nën kujdesin e ekipeve të emergjencës.

Dyshohet se shoferi ra në gjumë në timon gjatë udhëtimit të natës, sipas gjetjeve fillestare të policisë.

Autoritetet kanë nisur hetimet për zbardhjen e plotë të rrethanave dhe përcaktimin e shkaqeve të aksidentit tragjik.