Ish-basketbollisti i Lokomotivës së Durrësit, Petraq Jorgoni është ndarë nga jeta në moshën 81-vjeçare.
Lajmi është bërë i ditur nga Akademia Sportive Goga Basket, e cila ndër të tjera, i shpreh ngushëllimet familjes.
Në mesazhin e tyre, ata thonë se Jorgoni ka luajtur basketboll në vitet 1958-1968. Gjatë karrierës së tij ai është aktivizuar edhe me skuadrat e Dinamos e Studentit.
Mesazhi ngushëllues i Goga Basket:
Me hidhërim mësuam se është ndarë nga jeta, në moshën 81 vjeçare, ish basketbollisti i Lokomotivës së Durrësit, Z. Petraq Jorgoni.
Taçi ka luajtur basketboll ne vitet 1958-1968 ku gjithashtu ka luajtur dhe me skuadrat e Dinamos dhe Studentit.
Ai ishte një nga sportdashësit më të dashur të Akademisë. I shprehim ngushëllimet më të sinqerta familjes për humbjen e tij.
