Afati i 31 gushtit duket se nuk mjafton për të evakuar mijëra afganë që po presin brenda dhe jashtë dyerve të aeroportit të Kabulit.

Sipas marrëveshjes me talebanët, që nga 1 shtatori nuk duhet të ketë më asnjë trupë të huaj në Afganistan.

Por Franca, Mbretëria e Bashkuar dhe Gjermania të gjitha ngritën mundësinë për të lejuar më shumë kohë përpara një samiti të martën.

Presidenti amerikan Joe Biden do të vendosë brenda 24 orëve të ardhshme nëse do të zgjasë afatin për tërheqjen.

Për më tepër sot mbahet dhe Samiti i G7 vetëm për çëshjen e Afganistanit ku do të merren vendime të përbashkëta se si mund të bashkëpunohet kryesisht në evakuim dhe zgjidhjen e situatës.

Dhjetëra mijëra njerëz janë evakuuar nga kryeqyteti afgan Kabul, por të tjerët që kërkojnë të ikin kanë mbetur në aeroportin e Kabulit, i cili ruhet nga forcat amerikane dhe aleatët e tyre.