Një grup i dytë prej 95 qytetarësh afganë mbërritën në Shqipëri para mesnatës të të shtunës me një fluturim të drejtpërdrejtë nga aeroporti i Kabulit. Midis tyre kishte edhe dy foshnje.

Ky është grupi i dytë me afganë që vijnë në Shqipëri, pas atij të parit prej 121 personash që mbërriten mëngjesin e së premtes.

Ata i priti në aeroport kryeministri Edi Rama, ministrja e Jashtme Olta Xhaçka dhe ambasadorja e SHBA-ve, Yuri Kim.

Fillimisht qytetarët afganë do t’i nënshtrohen kontrolleve mjeksore, ku më pas pritet të strehohen përkohësisht në konviktet e Qytetit Studenti.

Pak kohë pas avionit të dytë mbërriti edhe një grup i tretë me 60 qytetarë afganë me një avion, që erdhi nga Doha.

“Deri sot kanë mbërritur 275 të arratisur nga Afganistani fatkeq, ndër të cilët edhe gra aktiviste të shoqërisë civile, pedagogë, punonjës institucionesh, gazetarë, së bashku me familjet e tyre”, shkruante ministrja Xhaçka ne postimin e saj në rrjetet sociale teksa transmetoi pamjet e pritjes së fluturimit te trete.