Rreth 60 qytetarë afganë kanë mbërrritur në orët e para të mëngjesit të së shtunës në aeroportin “Nënë Tereza”, të cilët u pritën nga Kryeministri Edi Rama minstrja Xhaçka dhe ambasadorja e SHBA-ve, Yuri Kim.

Siç është vepruar tashmë edhe me grupet e tjera, qytetarët do t’i nënshtohen kontrolleve mjeksore në Rinas dhe më pas do të strehohen përkohësisht në vendin tonë.

Një grup prej 95 refugjatësh mbërriti më herët, të cilët bashkë me grupin e tretë do të strehohen në Qytetin Studenti në Tiranë.

Kryeministri Edi Rama i vizitoi qytetarët afganë, duke i garantuar për kushte normale jetese dhe sigurie, si dhe u shpërndau lodra fëmijëve.

Shqipëria u angazhua ndër të parat vende se do t’i bashkohej menjeherë përpjekjeve për të ndihmuar dhe strehuar përkohësisht shtetas afganë, të cilëve u rrezikohej jeta nga dhuna e talebanëve në atdheun e tyre.

Autoritetet pohuan në fillim se mund të merrnin disa qindra persona, por më pas shprehën gadishmërinë për deri në 4 mijë afganë të shpërngulur.