Vijon ndikimi i kthjellimeve në territorin shqiptar, deri në mesditë kur vranësirat do të shfaqen fillimisht në veri të vendit dhe gradualisht do të përfshijnë gjithë vendin. Megjithëse vranësirat do jenë të pranishme nuk parashikohet të ketë reshje. Këto kushte atmosferike mbeten deri mëngjesi pasardhës.

Sipas Meteoalb, sot temperaturat do të kenë një rënie të lehtë ku do të variojnë: në zonat malore, nga 14°C në 22°C, në zonat e ulëta nga 21°C në 28°C dhe në zonat bregdetare nga 24°C në 29°C.

Era do fryjë mesatare me shpejtësi deri 40 km/h, nga drejtimi kryesisht Veriperëndimor ndërsa në det të hapur krijohet dallgëzim mbi 3 ballë.