Vendimi i Lulzim Bashës për të përjashtuar nga grupi parlamentar i PD-së Sali Berishën, ka irrituar mbështetësit e liderit historik të kësaj partie.

Ata janë mbledhur këtë të premte para selisë së PD-së dhe kanë shpërthyer në ofendime edhe ndaj deputetëve të grupit parlamentar demokrat, teksa ata i drejtoheshin Kuvendit për në seancën e parë parlamentare të sesionit të ri.

Në fjalën e tyre mbështetësit e Berishës thonë se ka qenë pikërisht ish-kryeministri që i ka futur këta deputetë në Parlament.

“Turp. Poshtë Lulzim Basha. Sali Berisha ju ka fut këtu të gjithëve në Parlament. Rroftë Sali Berisha. Palaço, ordinerë. Turp e faqen e zezë ta keni”.