Deputeti i PD-së, Agron Gjekmarkaj ka komentuar sërish vendimin e kreut të demokratëve, Lulzim Basha për përjashtimin e Sali Berishës nga grupi parlamentar .

Deputeti i Partisë Demokratike, Agron Gjekmarkaj i pyetur nga mediat në përfundim të mbledhjes së grupit parlamentar për vendimin e kreut të demokratëve, Lulzim Basha për përjashtimin e Sali Berishës, tha se ky ishte shtegu i vetëm që partia mund të kalonte.

Ky vendim erdhi pasi Berisha u shpall non-grata nga SHBA-të.

“Nuk ka pyetje të gabuara, por ka diçka të impostuar në pyetjen tuaj. Nuk shtrohet pyeta ishte vendim i gabuar apo ë padrejtë. Nuk kishte mundësi tjetër Lulzim Basha apo PD-ja. Duket se ishte shtegu i vetëm për të kaluar. E kam thënë dhe në një media se Sali Berisha është personalitet i madh politik, beteja për statut që mund të bëjë ai, nuk janë beteja për të, pasi janë të një kalibri të vogël.”, tha ai