Një i ri ka përfunduar në telashe me policinë, pasi akuzohet se ka ngjallur panik te banorët e Golemit, me pretendimin se do të binte një tërmet i fuqishëm.
Bëhet fjalë për shtetasin me inicialet G.A,. 18 vjeç. Ai u kap në flagrancë duke bërë thirrje me altoparlant “Dilni jashtë, tërmet 8 ballë”
Materialet u referuan në Prokurorinë pranë Gjykatës së Shkallës së Parë Kavajë, për veprën penale “Përhapja e informatave të rreme që ngjallin panik”.
“Më datë 19.09.2021, u referuan materialet në Prokurorinë pranë Gjykatës së Shkallës së Parë Kavajë, për veprën penale “Përhapja e informatave të rreme që ngjallin panik” për shtetasin G. A., 18 vjeç, pasi në Golem, u kap në flagrancë duke bërë thirrje me altoparlant “Dilni jashtë, tërmet 8 ballë”, duke ngjallur panik tek banorët.”, thuhet në njoftimin e policisë.
