Kryetari i Partisë Demokratike Lulzim Basha deklaroi sot nga seanca plenare në Kuvend se qeveria dhe ministria e Shëndetësisë gënjen në raport me shifrat e jetëve të humbura si pasojë e koronavirusit në vendin tonë.

Basha tha se institucionet ndërkombëtare japin të tjera të dhëna, ndërsa citoi edhe raportin e KE, që siç tha kryetari i PD, “Shqipëria ka shtesën më të lartë të vdrkjeve në Europë për vitin 2020”.

Basha përmendi edhe paralajmërimin e kryeministrit për rritje të çmimit të energjisë kur shpalli në vend krizën energjetike.

Këto ditë është diskutuar në komisione, nga përfaqësuesit e opozitës për vaksinimin, e diferencën mes shifrave të raportuara nga qeveria dhe të raportuara nga institucione ndërkombëtare.

Si në taditën më të keqe të kësaj qeverie, ajo që thuhet nuk bëhet.

Kjo s’është hera e parë që ndodh e as hera e parë që gënjejnë me pandeminë,
se ju e dini qytetarë që kanë gënjyer për ndihmën ekonomike, rimbursimin e të prekurve, tenderat abuzivë në kohë pandemie të veshura me sekretin shtetëror, për të cilat këndellet në gjumë SPAK e prokuroria, kanë gënjyer për numrin e jetëve të humbura, që deri para 6 muajsh ishin plot 16 mijë prindër, nëna, baballarë që dergjen sot në vendprehjet e qyteteve e fshatrave të vendit tonë e nuk ndodhen më në shtëpitë e të dashurve që i kanë humbur.

Jo shifra rrenacake raportur nga qeveria e rrenave,këtë nuk e themi ne packa se e paralajmëruam, këtë e konfirmon raporti i KE ku thuhet që Shqipëria ka shtesën më të lartë të vdrkjeve nëEuropë për vitin 2020.

Ndaj kur të dielën që shkoi deklaroi “se do ia dalim sic ia dolëm me pandeminë”, Zoti na ruajt, ajo fjali triumfaliste që s’kishte asnjë lidhje me të vërtetën tingëlloi si shuplakë, si një të pështyrë në fytyrën e qytetarëve të këtij vendi, ndërkohë që Rama shfaqej në ekrane për të mbushur me dokrra gënjeshtra e aktrim boshllëkun që krijoi mugnesa e ndihëms reale”.