Ministria e Arsimit vendosi dy ditë më parë shtyrjen e datës së fillimit të universiteteve, në nivelin e Bachelorit me arsyetimin se i duhet lënë më shumë kohë studentëve dhe pedagogëve të vaksinohen.
Tre qendra vaksinimi do të hapen në Universitetin e Shkodrës, ndërkohë që mësimi pritet të nisë më 18 tetor. Ky fakt është konfirmuar nga rektorja e këtij universiteti, Suzana Golemi, e cila pohoi se 80% e stafit dhe pedagogeve janë te vaksinuar.
Rektorja e universitetit, Suzana Golemi në një prononcim për mediat bëri të ditur se janë hapur 3 qendra vaksinimi në 3 fakultete të ndryshme.
“Universiteti i Shkodrës ka marrë masat për të hapur tre qendra vaksinimi. Një prej tyre nga e hëna do jetë tek Rektorati, e dyta tek fakulteti ekonomik, e treta te fakulteti i shkencave te edukimit. I bëj thirrje që të vaksinohen sepse ruajnë vetën, familjet dhe studentët. 80% e stafit dhe pedagogeve janë te vaksinuar ndërsa numër te sakte për vaksinimin e studenteve nuk kemi. I kam lënë detyre dekanëve qe te jene ne kontakt me studentet qe te dine numrin e te vaksinuarve. Kemi marre gjitha masat edhe per mesimin online ne rast se ndryshon udhëzimi.
Përsa i përket regjistrimeve, Golemi thotë se degët më të kërkuara janë infermieria, fizioterapia dhe ekonomiku ndërsa më pak të kërkuarat janë degët e mësuesisë.
“Në lidhje me regjistrimet, janë degë të kërkuara si infermieri, fizioterapi, mami janë mbyllur kuotat që në, edukimi fizik, ekonomiku ndërsa me pak studentë kanë degët e mësuesisë ndërsa kjo lidhet me shumë arsye. I kemi kërkuar ministrisë lidhur me problemin e mesatares por ministria këmbëngul për mësues cilësor. Nuk ka degë që rrezikojnë mbylljen” – u shpreh Golemi.
