Ministrja e Jashtme britanike për Europën dhe Amerikën, Wendy Morton ka reaguar përmes një postimi në Twitter në lidhje me takim që ajo pati mëngjesin e sotëm me kryetarin e Partisë Demokratike, Lulzim Basha.

Pas takimit, ministrja Morton shprehet se fokusi i bisedës ishte politika në Shqipëri.

Teksa e cilëson diskutimin me kryedemokratin të frytshëm, ministrja britanike thekson se partitë opozitare në parlamentin e Shqipërisë, mund të kenë një rol të rëndësishëm për të forcuar demokracinë dhe për të siguruar që të gjithë qytetarët të jenë të përfaqësuar.

“Një diskutim i frytshme me kryetarin e Partisë Demokratike Lulzim Basha mbi situatën politike në Shqipëri. Partitë opozitare mund të kenë rol të rëndësishëm në parlament për të forcuar demokracinë dhe për të garantuar se zëri i qytetarëve është i përfaqësuar”, shkruan në njoftimin e ambasadës së Mbretërisë së Bashkuar.