Tre të rinj janë në telashe me policinë dhe drejtësinë pasi akuzohen për veprën penale “Mashtrimi në kredi”.
Njoftimi i policisë:
Blutë e Elbasanit bëjnë me dije se tre personat, njëri prej të cilëve tashmë ndodhet në paraburgim, prezantoheshin si punonjës të një fondacioni që krijon lehtësira për të marrë kredi, dhe kanë mashtruar shtetasin R. B., 65 vjeç, duke i kërkuar një shumë parash.
“Specialistët për Hetimin e Krimit Ekonomik dhe Financiar në DVP Elbasan arrestuan në flagrancë për veprën penale “Mashtrimi në kredi”, shtetasin E. C., 21 vjeç, banues në Elbasan dhe shpallën në kërkim shtetasit E. P., 23 vjeç, banues në Përmet dhe R. K., 22 vjeç, banues në Lushnjë, pasi në bashkëpunim me njëri-tjetrin, duke u prezantuar si punonjës të një fondacioni që krijon lehtësira për të marrë kredi, kanë mashtruar shtetasin R. B., 65 vjeç, banues në Elbasan, duke i kërkuar një shumë parash”, tha Policia.
