Kryesia e Partisë Demokratike vendosi dje që të zëvendësojë 11 kryetarët e degëve që janë bashkuar me Sali Berishën.

PD-ja vendosi në drejtimin politik të degëve ku janë shkarkuar kryetarët, anëtarë të kryesisë qendrore, anëtarë të Këshillit Kombëtar apo anëtarë të kryesive të degëve.

Ndërkohë, degët e Tiranës do të kenë si drejtues politik nënkryetarët e PDSH-së.

Vendimi i selisë blu vjen pasi atij të kryesisë që pak ditë më parë shkarkoi kryetarët e 12 degëve: Shijak, Fushë-Krujë, Tirana 1, Tirana 3, Tirana 9, Tirana 10, Paskuqan, Devoll, Kolonjë, Kuçovë, Vlorë dhe Gjirokastër.

Këshilli Kombëtar i PD-së do të mblidhet për të bërë zëvendësimin e drejtuesve politikë që kanë shkuar me Berishën si dhe funksionet në Kuvend.