Presidenti i Kroacisë, Zoran Milanovic do të jetë sot për vizitë në Kosovë. Milanoviç do të pritet me nderime të larta shtetërore.

Takimi ndërmjet presidentes së Kosovës, Vjosa Osmani dhe presidentit kroat Milanovic do të mbahet në orën 10:00, ndërsa do të ketë konferencë pas takimit.

“Presidentja e Kosovës, Vjosa Osmani, pret me ceremonitë më të larta shtetërore presidentin e Kroacisë, Zoran Milanovic”, thuhet në njoftim.

Do të pritet nga kryeparlamentari Glauk Konjufca, derisa pas këtij takimi, ai do të pritet edhe nga kryeministri Albin Kurti.

Pasdite, Milanoviq do ta vizitojë Janjevën për tu takuar me komunitetin kroat atje.

Në ditën e dytë të vizitës, presidenti kroat do të qëndrojë në kampin e KFOR-it ku do të pritet nga Komandati Ferenc Kajari.

Milanoviq do të takohet edhe me forcat e armatosura kroate që shërbejnë në kuadër të KFOR-it.