Profesori i Epidemiologjisë në Greqi, Gikas Majorkinis ka përjashtuar mundësinë e vendosjes së masave të reja para datës 3 janar kundër COVID-19.
“Aktualisht ne jemi në një fazë monitorimi të situatës epidemiologjike”, ka thënë ai.
Gjithashtu ka theksuar se vendi ndodhet në prag të ‘stuhisë’ për shkak të përhapjes së variantit Omicron, ndërsa ka bërë thirrje që angazhimi i autoriteteve si edhe nga ana e qytetarëve të jetë sa më i lartë.
“Ne jemi në prag të stuhisë. Omicron është këtu. Sa më i lartë të jetë angazhimi aq më të lehtë do ta kemi për të menaxhuar këtë situatë”, është shprehur më tej ai.
Sipas tij shqetësues mbetet fakti nëse do të ketë presione në spitale.
“Omicron është kudo dhe ka krijuar një rritje dramatike të rasteve. Mund të përballemi edhe me 10-12, 000 raste të ditë. Ajo që na shqetëson është presioni në spitale. Edhe pse ne kemi arritur një nivel të mirë të imunitetit me mbi 70 %”, tha ai duke u bërë thirrje qytetarëve që të mos hezitojnë të vaksinohen.
