Vijojnë ende kërkimet për gjetjen e trupit të 43 vjeçarit Tofik Xhika, i cili dyshohet se është mbytur në ujërat e lumit Drin.

Xhika kishte shkuar për të peshkuar por nuk u kthye më në shtëpi.

Familjarët, banorët e zonës dhe forcat e policisë kanë kërkuar prej mëse një jave për të, por ende nuk ka asnjë rezultat.

Ndërkohë, pavarësisht kërkimeve intensive të polumbarëve të RENA-s, të zhvilluara për 2 ditë me radhë, nuk ka ende asnjë shenjë. Për shkak të prurjeve të shumta të lumit Drin dhe ujit të turbullt ato u tërhoqën, duke lënë të kërkojnë vetëm familjarët.

Mësohet se vetë familjarët e të zhdukurit kanë marrë privatisht dy polumbarë për të kryer kërkime.

Sot familjarët e Tofik Xhika kërkuan ndihmë nga shteti për të gjetur trupin e 43 vjeçarit.