Përhapja e shpejtë e variantit Omicron në të gjithë Francën ka bërë që qeveria të ulë kohën e izolimit për njerëzit e vaksinuar dhe të marrë masa më të ashpra për të pavaksinuarit në vendet publike.

Franca raportoi 219,126 infeksione të reja dhe u bë vendi i gjashtë në botë që ka tejkaluar 10 milionë raste totale të regjistruara me Covid-19.

Ndryshimi i rregullit thotë se kontakteve me rastet pozitive nuk do t’u kërkohet të izolohen për sa kohë që ata janë plotësisht të vaksinuar, por ata do të duhet të testohen rregullisht.

Rregullat e reja hyjnë në fuqi të hënën, kur ligjvënësit francezë do të shqyrtojnë gjithashtu një projekt-ligj që do të kufizojë aksesin e të pavaksinuarve në restorante, bare dhe vende të tjera publike.

Që nga korriku, një numër vendesh dhe institucionesh publike kanë kërkuar një leje shëndetësore për hyrje ose prova të vaksinimit të plotë, të një testi negativ ose prova të shërimit nga virusi.

Projektligji synon të zëvendësojë lejen shëndetësore me një leje vaksine, që do të thotë se të pavaksinuarve nuk do t’i mjaftojë një test negativ për të hyrë në mjedise publike. Leja e vaksinës nuk do të kërkohet vetëm në vendin e punës ose në kujdesin thelbësor shëndetësor të shërbimeve sociale.

Nëse miratohen, rregullat e reja pritet të hyjnë në fuqi më 15 janar.

Véran theksoi rëndësinë e vaksinimit ndërsa shprehu shpresën se vala e pestë e Francës “mund të jetë e fundit”.