Një ngjarje e rëndë ka ndodhur në orët e para të mëngjesit të sotëm në kryeqytet, ku një makinë është hedhur në erë me tritol.

Burime bëjnë me dije se nga ngjarja kanë mbetur të plagosur dy persona, shoferi Mikel Harizaj dhe pasagjeri Serini Dumi.

Shpërthimi me tritol ka ndodhur pranë rrethrrotullimit të Selitës në Unazën e re.

Si pasojë e shpërthimit kanë mbetur të plagosur shoferi dhe pasagjeri i mjetit.

Makina ka qenë në ecje në momentin e shpërthimit.

Njoftimi i policisë:

Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç.

Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësore.

Grupi hetimor nën drejtimin e Prokurorisë po punon për sqarimin e rrethanave të ngjarjes.