Ambasada Amerikane ka reaguar për protestën e thirrur nga ish-kryeministri Sali Berisha.

Ambasada amerikane në Tiranë ka dalë me një njoftim dhe thirrje për kujdes ndaj qytetarëve të saj për të shmangur zonat ku do të ketë tubim ditën e shtunë, në protestën e thirrur nga Sali Berisha në selinë e PD-së.

Po ashtu bën me dije se disa situata mund të ndryshojnë dhe të bëhen të paparashikueshme dhe pjesëmarrësit mund të zhvendosen në pjesë të tjera të qytetit.

Njoftimi i Ambasadës Amerikane

Mesazh për qytetarët amerikanë: Protesta e planifikuar më 8 janar 2022

Vendndodhja: Tiranë: Selia e Partisë Demokratike

Data/Ora: E shtunë, 8 janar 2022, duke filluar nga ora 12:00

Qytetarët amerikanë njoftohen se një grup ka bërë thirrje për protestë në selinë e Partisë Demokratike.

Qytetarët amerikanë këshillohen të shmangin çdo tubim të madh në qytet. Ndërsa shumë organizime të mëdha publike mund të zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme dhe pjesëmarrësit mund të zhvendosen në pjesë të tjera të qytetit.

Monitoroni mediat lokale për informacionet më të fundit dhe ndiqni udhëzimet e autoriteteve lokale të zbatimit të ligjit.

Shmangni tubimet e mëdha dhe çdo zonë ku demonstratat janë të pashmangshme ose në vazhdim.