Mijëra demokratë nga e gjithë Shqipëria do të mblidhen sot në orën 12:00 një protestë përpara selisë së Partisë Demokratike me synim, rikthimin e selisë që ata e konsiderojnë si “bunger të pengut” Lulzim Basha, në një Shtëpi të Demokratëve të vërtetë.
Nga rrethi i Lushnjës do të shkojnë në Tiranë rreth 800 anëtarë të PD, në përgjigje të thirrjes së grupit të rithemelimit për të qenë prezentë në protestë. 600 janë anëtarë të PD-së së degës Lushnjë dhe 200të degës së Divjakës.
Po sot, nga nga Saranda drejt Tiranës janë nisur rreth 100 demokratë. Transporti i tyre është bërë me mjete private.
Gjithashtu, nga Lezha, qindra anëtarë dhe simpatizantë të PD-së janë duke mbërritur në Tiranë.
Nisja është bërë nga çdo njësi administrative e Lezhës dhe është njoftuar se do të ketë një numër të madh pjesëmarrësish nga kjo degë.