Partia Demokratike ka reaguar pas incidenteve të dhunshme në selinë blu, ku u sulmua sekretari i PD-së Roland Bejko.
Në deklaratën e selisë blu thuhet se dhuna ndaj Bejkos është fytyra e vërtetë e Sali Berishës që frymëzon dhunë.
PD thekson se është e papranueshme që të dhunohet një demokrat i ndershëm i orëve të para si Bejko.
Reagimi i Partisë Demokratike
Dhuna e mercenarëve të Sali Berishës ndaj anëtarit të Kryesisë qendrore të PD Roland Bejko, është fytyra e Sali Berishës, që frymëzon dhunë, ushtron dhunë dhe pengon një sekretar të PD të vijë në seli në një mbledhje pune. E papranueshme që dhunohet një demokrat i orëve të para, nje demokrat i ndershëm me kontribute 30 vjeçare në këtë parti. Roland Bejko u dhunua sot vetëm se mendon ndryshe nga Sali Berisha, vetëm se nuk i shërben interesit të Sali Berishës, vetëm se ka vendosur ti shërbejë interesit të demokratëve dhe PD.