Deputeti i PD-së, Ferdinand Xhaferaj ka reaguar në lidhje me protestën e dhunshme të 8 janarit, të thirrur nga ish-kryeministri Sali Berisha.
Nëpermjet një postimi në rrjetet sociale Xhaferaj deklaroi se dhuna kundër selisë blu i shërben interesave të vetëm një personi.
Sipas tij 8 Janari ishte një ditë e rëndë për çdo demokrat, i cili udhëhiqet nga dëshira për një Parti Demokratike gjithëpërfshirëse.
Postimi i deputetit Xhaferaj
8 Janari ishte një ditë e rëndë për çdo demokrat, i cili udhëhiqet nga dëshira për një Parti Demokratike gjithëpërfshirëse, të fortë dhe përfaqësuese. Dhuna përmbi selinë e PD-së dhe çdo demokrati i shërben interesave të vetëm një personi. 8 Janari do të mbahet mend gjatë si dita e fundit e një Partie Demokratike të kapur nga hijet dhe dhuna e së shkuarës. Në gjenezë, Partia Demokratike lindi për të siguruar të ardhmen perëndimore të Shqipërisë, dhe do të vazhdojë në përmbushjen e misionit të saj.
