Policia e Fierit ka vënë në pranga 23 vjeçarin me inicialet A.M pasi ky i fundit ka përplasur për vdekje me automjetin e tij një endacak të shtrirë në rrugë.

Sipas njoftimit të policisë, aksidenti rëndë ka ndodhur në vendin e quajtur “Qafa e Koshovicës” në aksin rrugor Fier-Levan dhe shtetasi i aksidentuar ka ndërruar jetë në spital. Grupi hetimor po punon për zbardhjen e plotë të rrethanave të ngjarjes.

Njoftimi i Policisë:
Fier

Specialistët e Sektorit të Qarkullimit Rrugor në DVP Fier arrestuan në flagrancë shtetasin A. M., 23 vjeç, pasi gjatë mbrëmjes së djeshme, në aksin rrugor Fier-Levan, në vendin e quajtur “Qafa e Koshovicës”, duke drejtuar automjetin tip “Benz” ka aksidentuar një shtetas i cili dyshohet se ishte endacak i shtrirë në rrugë.

Shtetasi i aksidentuar ka ndërruar jetë në spitalin rajonal Fier.

Po punohet për identifikimin e viktimës.

Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme.