Meteorologët kanë paralajmëruar se pjesa e Anglisë perëndimore dhe Uellsi jugor, këtë të premte  do të përballet me një stuhi të fortë.

Sipas meteorologëve dëmtimet mund të jenë të konsiderueshme, ndërsa shumë shkolla po mbyllen si masë paraprake. Po ashtu të gjitha shërbimet me tren në Uells janë pezulluar, ndërsa kompanitë hekurudhore u bëjnë thirrje qytetarëve të mos lëvizin për shkak të rrezikut nga stuhia.

Ndërkohë qeveria ka zhvilluar një takim urgjent, kryeministri Boris Johnson tha se ushtria është në gatishmëri, nëse do të duhet të ndërhyhet.

Zyra meteorologjike paralajmëroi erëra të forta  të paqëndrueshme dhe reshje të shumta shiu.

“Kjo mund të jetë stuhia më e fuqishme që kemi parë vitet e fundit dhe ne duhet të jemi të përgatitur për gjithçka”, ka thënë një zyrtar i agjencisë meteorologjike.